Add New Member in Ration Card : घरात नव्या सदस्याची एंट्री, रेशन कार्डात नाव कसे जोडावे? - आम्ही कास्तकार
Take a fresh look at your lifestyle.

Add New Member in Ration Card : घरात नव्या सदस्याची एंट्री, रेशन कार्डात नाव कसे जोडावे?

0 1,646

आज आम्ही तुम्हाला रेशन कार्डमध्ये कुटुंबातील नवीन सदस्याचे नाव जोडण्याची संपूर्ण प्रक्रिया सांगणार आहोत. (How To Add New Member in Ration Card Know the full process)

मुंबई : रेशन कार्ड (Ration Card Member) हे खासगी कामासह शासकीय कामातही एक महत्त्वपूर्ण कागदपत्रं मानलं जातं. याद्वारे तुम्हाला फक्त स्वस्त किंमतीतील धान्य मिळत नाही तर त्याचे इतरही अनेक फायदे आहेत. म्हणून त्यात कुटुंबातील सर्व सदस्यांचा तपशील नोंदविला जाणे आवश्यक आहे. म्हणजेच जर एखादा नवीन सदस्य तुमच्या घरात सहभागी (Add New Member in Ration Card) झाला असेल, जसे की कुटुंबातील एखादं लहान मूल किंवा एखादी नवीन सून, तर त्यांचे नाव रेशन कार्डमध्ये जोडणे बंधनकारक आहे. आज आम्ही तुम्हाला रेशन कार्डमध्ये कुटुंबातील नवीन सदस्याचे नाव जोडण्याची संपूर्ण प्रक्रिया सांगणार आहोत. (How To Add New Member in Ration Card Know the full process)

नव्या सदस्याचे नाव जोडण्यासाठी काय करावे?

लग्नानंतर कुटुंबात एका नव्या सदस्याचा समावेश होतो. त्या सदस्याला म्हणजेच तुमच्या सूनेला प्रथम तिच्या आधार कार्डमध्ये काही माहिती अपडेट करावी लागेल. म्हणजेच लग्न झाल्यानंतर एखाद्या स्त्रीला तिच्या आधारकार्ड मध्ये पतीचे नाव अपडेट करावे लागेल. तसेच तिचा पत्ता बदलणे आवश्यक आहे. आधार कार्ड अपडेट झाल्यानंतर सुधारित आधार कार्ड प्रतीसह अन्न विभाग अधिकाऱ्यांना द्यावे. त्यानंतर रेशन कार्डमध्ये नाव जोडण्यासाठी अर्ज सादर करावा.

लहान मुलांसाठी हे कागदपत्र आवश्यक

जर घरात एखादे मूल जन्माला आले असेल तर प्रथम जन्मलेल्या मुलाचे आधार कार्ड बनवावे लागेल. यासाठी तुम्हाला मुलाच्या जन्माचे प्रमाणपत्र असणे आवश्यक असेल. यानंतर आधार कार्डसाठी नाव नोंदवण्यासाठी अर्ज करता येईल.

ऑनलाईन अर्ज करता येणार

या पर्यायी मार्गांनी तुम्हाला कार्यालयात अर्ज जमा करावा लागेल. पण तुम्ही नवीन सदस्यांची नावं जोडण्यासाठी घरबसल्याही अर्ज करु शकता. यासाठी आपण आपल्या राज्यातील अन्न पुरवठा विभागाच्या अधिकृत संकेतस्थळावर जा. जर सदस्यांची नावे जोडण्याची सुविधा असेल तर आपण घरी बसून हे काम करू शकता.

कोरोनामुळे मृत्यू झाला असेल तर…अशी मिळवा आर्थिक मदत